Read this in English / ஆங்கிலத்தில் படிக்க
ஆசிய நாடுகளில் இருந்து – இந்தியா, இலங்கை, வங்காளதேசம் போன்ற நாடுகளில் இருந்து – பலர் ஏஜென்ட்களுக்கு பல லட்சம் ரூபாய் செலவு செய்து பிரான்ஸ் வருகிறார்கள். ஆனால் வருவதற்கு முன் சில அடிப்படை உண்மைகளை தெரிந்து கொள்ளாவிட்டால், அந்த கனவு விரைவில் ஒரு கடுமையான பிரச்சனையாக மாறிவிடும்.
1டூரிஸ்ட் விசா என்றால் என்ன என்பதை முதலில் புரிந்துகொள்ளுங்கள்
நீங்கள் பிரான்ஸுக்கு டூரிஸ்ட் விசாவில் வந்தால், அது உங்களை சுற்றி பார்க்க அனுமதிக்கும் விசா — பிரான்ஸில் நிரந்தரமாக தங்க வைக்கும் விசா அல்ல. இது 180 நாட்களில் அதிகபட்சம் 90 நாட்கள் மட்டுமே செல்லுபடியாகும், மற்றும் இதில் வேலை செய்யும் உரிமை எதுவும் இல்லை.
2விசா முடிந்தவுடன் என்ன நடக்கும்
90 நாட்கள் முடிந்தவுடன் நீங்கள் ஆவணமற்றவர் ஆகிவிடுவீர்கள். வேலை, வீடு, சுகாதாரம் எதுவும் சட்டப்படி கிடைக்காது.
அனுமதியின்றி வேலை செய்வது தொழிலாளிக்கு குற்றவியல் குற்றம் (Code du travail, L.8251-1) — முதலாளிக்கும் கடுமையான அபராதம் உண்டு.
3உண்மையான ஆபத்து: OQTF மற்றும் திரும்ப வர தடை
போலீஸ் சோதனையில் பிடிபட்டால், OQTF (வெளியேற உத்தரவு) மற்றும் பல சமயம் 3 வருடங்கள் வரை பிரான்ஸ் திரும்ப வர தடை (IRTF) விதிக்கப்படலாம் (CESEDA, L.612-10) — இது உங்கள் எதிர்கால சட்டப்பூர்வ விசா வாய்ப்பையே அழித்துவிடும்.
4வருடக்கணக்கில் தங்கினால் தானாக சட்டப்பூர்வமாகிவிடாது
(admission exceptionnelle au séjour) இப்போது 7 வருடங்கள் தொடர்ச்சியான, ஆவணப்படுத்தப்பட்ட இருப்பை கோருகிறது — மேலும் இது prefect-இன் முடிவில் முழுமையாக உள்ளது, உத்தரவாதம் இல்லை.
5பிரெஞ்சு மொழி தெரியாவிட்டால் உங்கள் நிலைமை அடிமைத்தனமாக மாறிவிடும்
பிரெஞ்சு தெரியாமல் இருந்தால் வேலை தேட முடியாது, உரிமைகளை கேட்க முடியாது, உதவி கேட்க முடியாது. இதன் விளைவாக சிலர் உங்களை சுரண்டவும், குறைந்த ஊதியத்திற்கு அதிக நேரம் வேலை வாங்கவும் செய்வார்கள். வருவதற்கு முன் 100 வீதம் யோசித்து, முடிந்தவரை பிரெஞ்சு மொழியை கற்றுக்கொண்டு தயாராக வாருங்கள்.
6வேலை விசா பெறுவதற்கான உண்மையான வழிமுறை
மிடில் ஈஸ்ட் நாடுகளில் இருப்பது போன்ற விசா ஏஜென்ட் அமைப்பு பிரான்ஸில் கிடையாது. உண்மையான வழிமுறை இதுதான்:
- பிரான்ஸில் உள்ள ஒரு நிறுவனம் உங்களை வேலைக்கு தேர்ந்தெடுக்க வேண்டும்.
- அந்த நிறுவனம் உங்களுக்காக அரசிடம் இருந்து சட்டரீதியான வேலை அனுமதி (autorisation de travail) பெற வேண்டும்.
- அந்த அனுமதியை நிறுவனம் உங்களுக்கு அனுப்ப வேண்டும்.
- அதை வைத்து நீங்கள் உங்கள் நாட்டில் உள்ள பிரெஞ்சு தூதரகத்தில் விசாவுக்கு விண்ணப்பிக்க வேண்டும்.
“என்னிடம் வேலை விசா உள்ளது, பல லட்சம் கொடுங்கள்” என்று யார் சொன்னாலும் நம்பாதீர்கள். சந்தேகம் இருந்தால், முடிந்தவரை பிரெஞ்சு தூதரகத்தில் நேரடியாக சரிபார்த்து உறுதி செய்துகொண்டு வாருங்கள்.
முக்கிய குறிப்புகள்
- டூரிஸ்ட் விசா = பார்வைக்கு மட்டும், தங்குவதற்கு அல்ல, வேலைக்கு அல்ல.
- ஆவணமின்றி இருப்பது OQTF, 3 வருடங்கள் வரை திரும்ப வர தடைக்கு வழிவகுக்கலாம்.
- regularization-க்கு இப்போது 7 வருடங்கள் தேவை, உத்தரவாதம் இல்லை.
- பிரெஞ்சு மொழி தெரியாவிட்டால் சுரண்டலுக்கு ஆளாகும் அபாயம் அதிகம்.
- உண்மையான வேலை விசா எப்போதும் ஒரு நிறுவனத்தின் மூலமே வரும் — ஏஜென்ட் மூலம் அல்ல.
இங்கு வந்தால் உங்களை வைத்து அடிமைத்தனம் செய்ய ஒரு மாபியா கும்பல் இயங்குகிறது என்பதை மறந்துவிடாதீர்கள். நேர்மையான வழியில் உங்களை வழிநடத்தாமல், சட்டவிரோத வழிகளில் விசா பெற அறிவுரை கூறும் நபர்கள் அதிகம். பிரான்ஸுக்கு வர யோசித்தால், அல்லது உங்கள் நெருங்கியவர் ஏற்கனவே ஆவணமின்றி இங்கு இருந்தால், முதலில் உண்மையான தகவலை பெறுங்கள். முடிவெடுக்கும் முன் எங்களை தொடர்பு கொள்ளுங்கள் — +33 9 70 70 04 64.
Legal basis: Regulation (EU) 2016/399 (Schengen Borders Code), French Labour Code Article L.8251-1, CESEDA (Code on the Entry and Residence of Foreigners and the Right of Asylum) Article L.611-1 et seq. (OQTF – Obligation to Leave French Territory), CESEDA Article L.612-10 (IRTF – Ban on Return to French Territory), CESEDA Articles L.435-1 and L.435-4 (AES – Exceptional Admission to Stay), and the Circular dated January 23, 2025. This article is for general information only and is not a substitute for personal legal advice. TSA FIIC guides clients through their immigration process from start to finish, and our partner lawyers handle legal representation when needed.